“Ўрта Чирчиқ ГЭСлар каскади” УКда COVID-19 га қарши самарали курашишда вакцинациянинг ўрнига бағишланган йиғилиш ўтказилди

07.07.2021

“Ўрта Чирчиқ ГЭСлар каскади” унитар корхонаси мажлислар залида Бўстонлиқ тумани Тиббиёт бирлашмаси мутахассислари иштирокида йиғилиш ўтказилди.

 

Тадбирда корхона ишчи-ходимларига бутун дунё бўйлаб кенг тарқалган COVID-19 инфекцияси, унинг жиддий асоратлари ва оқибатлари, унинг кенг кўламли таъсири, бу борада, коронавирусга қарши вакцинация (эмлаш) ишларини тўғри тартибда ташкил қилиш ҳамда вакцинанинг инсон саломатлигини муҳофаза қилишда тутган муҳим ўрни борасида тушунтириш ишлари олиб борилди.

 

 

Йиғилиш давомида корхона ишчи-ходимлари эмлаш жараёни билан боғлиқ ўзларини қизиқтирган саволларига батафсил жавоб олдилар.