Сербия ва Серб Республикаси ҳамкорлигида 3 та ГЭС қурилади

10.08.2020

Расмий Белград ва Баня-Лука ўзаро ҳамкорликда Сербия ҳамда Босния ва Герцеговина таркибидаги Серб Республикасини ажратиб турувчи Дрин дарёсида учта янги “Фоча”, “Паунци” ва “Бук-Биела” гидроэлектр станцияларини барпо этади, хабар беради uzgidro.uz.

Қувватига кўра, уччала ГЭСнинг энергетик салоҳияти Дунай дарёсидаги серб гиганти ҳисобланган “Джердап” ГЭСнинг иккинчи энергия блоки қувватига тенг.

Маълумотларга қараганда, қурилиш ишлари билан шуғулланувчи қўшма ташкилотни ташкил этиш бўйича шартнома имзоланган. Шунингдек, ушбу лойиҳа “Электросеть Сербии” компаниясининг “Электросеть Республики Сербской” компанияси устидан назорат қилишини англатмайди.

Сербия Президенти Александр Вучич ҳамда серблар томонидан Босния ва Герцеговина президиуми аъзоси Милорад Додикнинг таъкидлашича, ушбу келишувдан мақсад бир компания томонидан бошқа бир компанияни сотиб олиш эмас, балки, энергия ишлаб чиқарувчи инфраструктура объектларини ҳамкорликда қуриш лойиҳасидир. Шу билан бирга, Александр Вучич томонидан “Сербия томонидан Серб Республикаси манфаатларига зид бўлган ҳар қандай ҳаракатларнинг ҳеч қачон амалга оширилмаслиги” қўшимча қилинди.

Таъкидлаш жоизки, қурилиши режалаштирилган янги ГЭСлар тўлақонли равишда энергия ишлаб чиқарувчи объектларга айланадилар. “Фоча” ГЭСнинг қуввати 44,15 МВт, “Паунци” ГЭСники – 43,21 МВт, “Бук-Биела” ГЭСнинг қуввати эса – 93,52 МВт га тенг бўлади. Қувватига кўра, янги ГЭСларнинг энергетик салоҳияти Дунай дарёсидаги “Джердап-2” ГЭС қувватига тенг бўлади. Шу билан бирга, “Бук-Биела” ГЭС Вишеграддан юқори оқимдаги Дрин дарёсида энг йирик ГЭСга айланади.